វាជាដំណោះស្រាយនៃការដឹកជញ្ជូនអន្តរជាតិដោយស្វ័យប្រវត្តិដែលអនុញ្ញាតឱ្យអ្នកដាក់បញ្ជូនឯកសារពាណិជ្ជកម្មរបស់អ្នក (ឧ.ទា. វិក្កយបត្រពាណិជ្ជកម្ម) តាមប្រព័ន្ធអេឡិចត្រូនិក។ ឯកសារពាណិជ្ជកម្មអេឡិចត្រូនិក (ETD) កាត់បន្ថយសំណល់ក្រដាស អនុញ្ញាតឱ្យមានការមកទទួលយកទំនិញលឿនជាងមុន និងបង្កើនល្បឿនដំណើរការ "មុនការបញ្ចេញទំនិញពីគយ"។ វាក៏បង្ការកុំឲ្យការដឹកជញ្ជូនរបស់អ្នកត្រូវបានពន្យារពេលនៅគយផងដែរ។

វាធ្វើឱ្យដំណើរការដឹកជញ្ជូនអន្តរជាតិមានភាពសាមញ្ញ - មានន័យថាអ្នកមិនចាំបាច់បោះពុម្ព បត់ និងភ្ជាប់ច្បាប់ចម្លងជាច្រើនទៅនឹងកញ្ចប់បញ្ញើទំនិញនីមួយៗនោះទេ ដែលវានឹងជួយសន្សំសម្ចៃក្រដាស និងកាត់បន្ថយការចំណាយលើការបោះពុម្ព។ 

អ្នកមិនត្រឹមតែសន្សំសំចៃលើក្រដាស និងថ្លៃបោះពុម្ពប៉ុណ្ណោះទេ អ្នកថែមទាំងមានភាពស្ងប់ក្នុងចិត្ត និងឥតមានក្តីកង្វល់ ដោយដឹងថាឯកសារពាណិជ្ជកម្មរបស់អ្នករួចរាល់សម្រាប់ការបញ្ចេញទំនិញពីគយ។ ខាងក្រោមនេះជាអត្ថប្រយោជន៍មួយចំនួនដែលបានពន្យល់លម្អិតបន្ថែម៖

• ការអាប់ឡូដឯកសារតាមប្រព័ន្ធអេឡិចត្រូនិច អនុញ្ញាតឱ្យអ្នកមានពេលវេលាសម្រាប់ជំនួយការក្នុងការបញ្ចេញទំនិញពីគយជាមុន។
• កំណត់ឯកសាររបស់អ្នកតាមបំណងដោយប្រើក្បាលសំបុត្រនិងរូបភាពហត្ថលេខា នឹងជួយអ្នកឱ្យអនុវត្តទៅតាមតម្រូវការនៃការបញ្ចេញទំនិញពីគយនៅក្នុងប្រទេសជាក់លាក់មួយចំនួន
• កាត់បន្ថយការចំណាយលើក្រដាស ការបោះពុម្ព និងសម្ភារៈដឹកជញ្ជូន ដែលនឹងកាត់បន្ថយការបញ្ចេញឧស្ម័នផ្ទះកញ្ចក់ទៅក្នុងបរិស្ថាន
• ជៀសវាងការពន្យារពេលនៅគយ បង្កើនភាពជឿជាក់និងកេរ្តិ៍ឈ្មោះរបស់អ្នកក្នុងការដឹកជញ្ជូនទំនិញ។
• ការរៀបចំឯកសាររបស់អ្នកតាមប្រព័ន្ធអេឡិចត្រូនិក ផ្តល់ឱ្យអ្នកនូវពេលវេលាបន្ថែមដើម្បីផ្តោតលើកិច្ចការផ្សេងទៀត
• បើគ្មានវិក្កយបត្រភ្ជាប់ជាមួយនឹងកញ្ចប់បញ្ញើទំនិញដែលរៀបរាប់អំពីមុខទំនិញដែលមាននោះទេ ឱកាសនៃការលួចទំនិញគឺមានកាន់តែតិច

អ្នកអាចដាក់បញ្ជូនឯកសារពាណិជ្ជកម្មរបស់អ្នកបានលឿនជាងមុនច្រើន. ដូច្នេះប្រសិនបើមានការបាត់ ឬត្រូវការព័ត៌មានបន្ថែមណាមួយ អ្នកនឹងត្រូវបានជូនដំណឹងកាន់តែលឿន ដែលកាត់បន្ថយឱកាសនៃការពន្យារពេលនៅគយ។

វាអាចប្រើប្រាស់បានទាំងកញ្ចប់បញ្ញើទំនិញនាំចេញនិងនាំចូល។ ដើម្បីពិនិត្យមើលថា តើវាមានដំណើរការនៅក្នុងប្រទេសដែលអ្នកដឹកជញ្ជូនទៅ/មកដែរឬទេ សូមមើល បញ្ជីខាងក្រោម។ 

ប្រសិនបើប្រទេសប្រភពដើម ឬប្រទេសគោលដៅ (ឬទាំងពីរ) មិនទទួលយក ETD ទេនោះ ការដឹកជញ្ជូនរបស់អ្នកនឹងត្រូវបានដាក់ស្លាកថា EWO (Electronics With Originals - ឯកសារអេឡិចត្រូនិកភ្ជាប់ជាមួយឯកសារដើម)។ នេះអនុញ្ញាតឱ្យអ្នកអាប់ឡូដឯកសាររបស់អ្នកយ៉ាងរលូនសម្រាប់ប្រទេសដែលត្រូវការច្បាប់ចម្លងនៃឯកសារសម្រាប់ការបញ្ចេញទំនិញពីគយ។ តាមរយៈការអាប់ឡូដឯកសារនេះ ឯកសារទាំងនេះនឹងត្រូវបានមើលដោយឈ្មួញកណ្តាលបានឆាប់រហ័ស ដែលមានន័យថាអ្នកនឹងត្រូវបានជូនដំណឹងអំពីបញ្ហាណាមួយចំពោះសណុំឯកសារនោះ និងអាចដោះស្រាយវាបានក្នុងពេលដ៏ខ្លី។ វាក៏កាត់បន្ថយឱកាសនៃការបាត់/ខ្វះឯកសារផងដែរ។ ទោះជាយ៉ាងណាក៏ដោយ អ្នកនៅតែត្រូវបោះពុម្ព និងភ្ជាប់ឯកសារគយទៅនិងកញ្ចប់បញ្ញើទំនិញ ដើម្បីអនុលោមតាមតម្រូវការបទប្បញ្ញត្តិ។

កម្មវិធី FedEx Electronic Trade Documents អាចស្វែងរកបានសម្រាប់ការដឹកជញ្ជូនរហ័ស FedEx^® និងផ្តល់អត្ថប្រយោជន៍ច្រើនបំផុតដល់អ្នកដាក់បញ្ជើទំនិញដែលមិនមែនជាប្រភេទ­ ឯកសារ ឬអ្នកដាក់បញ្ជើទំនិញជាប្រភេទទំនិញប្រើប្រាស់។ កញ្ចប់បញ្ញើទំនិញដែលមានផ្ទុកទំនិញគ្រោះថ្នាក់ និងទឹកកកស្ងួត អាចមានសិទ្ធិគ្រប់គ្រាន់ដើម្បីទទួលបានការដាក់ស្នើឯកសារពាណិជ្ជកម្មតាមអេឡិចត្រូនិក។

អ្នកអាចរៀបចំ រក្សាទុក និងប្រើឡើងវិញនូវឯកសារពាណិជ្ជកម្មអនឡាញជាមួយមជ្ឈមណ្ឌលរៀបចំឯកសារ FedEx នៅលើកម្មវិធីគ្រប់គ្រងពាណិជ្ជកម្មសកល^® FedEx (FedEx Global Trade Manager)។ 

អាស្រ័យលើប្រទេសគោលដៅដឹកជញ្ជូន អ្នកប្រហែលជាតម្រូវឱ្យបញ្ជូនឯកសារដែលបានបោះពុម្ព។ មុខងាររបស់ ‘Country Profiles (ព័ត៌មានប្រទេស)’ នៅលើកម្មវិធីគ្រប់គ្រងពាណិជ្ជកម្មសកល FedEx^® ផ្តល់នូវព័ត៌មានជាក់លាក់តាមប្រទេសអំពីការដឹកជញ្ជូន និងលក្ខខណ្ឌតម្រូវផ្នែកនិយ័តកម្ម ដូចជាឯកសារដែលទាមទារឱ្យមានសម្រាប់ការដាក់ស្នើ និងតម្រូវការគយពិសេសផ្សេងទៀត (ឧ.ទា. ចំនួនប្រាក់ពន្ធនិងអាករដែលត្រូវបង់)។ ទោះជាដូចបានរៀបរាប់ខាងលើក៏ដោយ សូមកុំភ្លេចបោះពុម្ពស្លាកដឹកជញ្ជូនអន្តរជាតិរបស់អ្នកសម្រាប់គ្រប់កញ្ចប់បញ្ញើទំនិញទាំងអស់។ 

មានតែស្លាកដែលបានបង្កើតតាមរយៈសូហ្វវែរគ្រប់គ្រងការដឹកជញ្ជូន FedEx® ប៉ុណ្ណោះ ដែលអាចអាប់ឡូដទៅក្នុងកម្មវិធីគ្រប់គ្រងពាណិជ្ជកម្មសកល^® FedEx បាន។  សូមប្រាកដថាអ្នកអាប់ឡូដឯកសារពាណិជ្ជកម្មរបស់អ្នកឱ្យបានឆាប់តាមដែលអាចធ្វើទៅបាន ដើម្បីជៀសវាងការដឹកជញ្ជូនរបស់អ្នកត្រូវបានគយឃាត់ទុក ដោយសារកង្វះឯកសារពាណិជ្ជកម្ម។

បាទ/ចាស។ កម្មវិធី FedEx Electronic Trade Documents អនុញ្ញាតឱ្យអ្នកដាក់ឯកសារពាណិជ្ជកម្មតាមប្រព័ន្ធអេឡិចត្រូនិក ប៉ុន្តែអ្នកនៅតែត្រូវការបោះពុម្ពស្លាកដឹកជញ្ជូនដដែល។