តើកូដកំណត់ប្រភេទទំនិញ ឬកូដ HS ជាអ្វី?

កូដកំណត់ប្រភេទទំនិញ គឺជាផ្នែកមួយនៃប្រព័ន្ធស្តង់ដាអន្តរជាតិនៃឈ្មោះនិងលេខសម្រាប់ចាត់ថ្នាក់ផលិតផលជួញដូរ – កូដទាំងនេះត្រូវបានបង្កើត និងគ្រប់គ្រងដោយអង្គការគយពិភពលោក(WCO)។

ប្រព័ន្ធនេះអនុញ្ញាតឱ្យប្រទេស/ដែនដីទាំងអស់ឱ្យស្ថិតនៅលើទំព័រតែមួយ នៅពេលចាត់ថ្នាក់ផលិតផលមុនពេលនាំទំនិញចេញ និងនាំទំនិញចូល។ កូដកំណត់ប្រភេទទំនិញ អាចមានឈ្មោះច្រើនលើសពីមួយ អាស្រ័យលើទីកន្លែងដែលកញ្ចប់បញ្ញើទំនិញកំពុងធ្វើដំណើរ និងអ្នកដែលទទួលខុសត្រូវលើវា – ឧទាហរណ៍ ពួកវាត្រូវបានស្គាល់ផងដែរថាជាកូដ HC, HTS, លេខកូដមុខទំនិញ ឬពន្ធគយ អាស្រ័យលើប្រទេស/ដែនដីនោះ។

ស្វែងរកលេខកូដទំនិញត្រឹមត្រូវ គឺសំខាន់បំផុតសម្រាប់អ្នកនាំចេញនិងអ្នកនាំចូលទូទាំងពិភពលោក។ វាមិនត្រឹមតែជួយកំណត់ថា តើប្រភេទផលិតផលអ្វីខ្លះដែលកំពុងត្រូវបានដឹកជញ្ជូននោះទេ វាថែមទាំងដើរតួនាទីសំខាន់នៅក្នុងប្រព័ន្ធនិងការគ្រប់គ្រងពន្ធដារទៀតផង។

នេះគឺជារបៀបដែលកូដ HS ត្រូវបានបង្ហាញ និងគន្លឹះសំខាន់ៗមួយចំនួនផ្សេងទៀត៖

• លេខ 6 ខ្ទង់ដំបូងគឺដូចគ្នានៅក្នុងប្រទេស/ដែនដីទាំង 183 
• ខ្ទង់លេខដែលនៅសល់ ជាទូទៅគឺជាក់លាក់តាមប្រទេស/ដែនដី និងកំណត់អត្រាតម្លៃពន្ធ ឬអត្រាតម្លៃអនុគ្រោះ
• ប្រតិវេទន៍នាំទំនិញចេញនៅអឺរ៉ុប ជាទូទៅតម្រូវឱ្យមានលេខ 8 ខ្ទង់
• ប្រតិវេទន៍នាំទំនិញចូលនៅអឺរ៉ុប ជាទូទៅតម្រូវឱ្យមានលេខ 10 ខ្ទង់
• ប្រតិវេទន៍នៅសហរដ្ឋអាមេរិក តម្រូវឱ្យមានលេខ 10 ខ្ទង់
• ការពិពណ៌នាអំពីទំនិញកំណត់និយមន័យកូដ HS
• កូដ HS ជាមួយនឹងតម្លៃ និងរូបីយប័ណ្ណ កំណត់ពីអាត្រាពន្ធគយ និងអាករ