ខណៈពេលដែល FedEx Billing Online ធ្វើបច្ចុប្បន្នភាពដែលនឹងធ្វើអោយជីវិតរបស់អ្នកងាយស្រួលជាងមុន យើងក៏ចង់ឱ្យការផ្ទេរទិន្នន័យមានភាពសាមញ្ញផងដែរ។ មុខងាររៀបចំវិក្កយបត្រថ្មីមានសមត្ថភាពសំខាន់ៗដូចគ្នា ដូចដែលអ្នកបានជ្រាបរួចហើយ។ អនាគតទៅអ្នកនៅតែអាចគ្រប់គ្រងវិក្កយបត្ររបស់អ្នកពីទីតាំងអនឡាញដែលមានសុវត្ថិភាពមួយ។ អ្នកអាចប្រើពត៌មានសម្ងាត់សម្រាប់ចូលប្រើគណនីបច្ចុប្បន្នរបស់អ្នក ហើយអ្នកនឹងមានសិទ្ធចូលប្រើពត៌មានចាស់ៗ និងពត៌មានគណនីរបស់អ្នក។

វាសាមញ្ញ និងងាយស្រួលក្នុងការកែសម្រួលតាមខ្លួនចង់បាន និងសង្ខេបព័ត៌មានវិក្កយបត្រ។ អ្នកអាចស្រង់យកពត៌មានតាម៖

• គណនី
• កាលបរិច្ឆេទផុតកំណត់
• កាលបរិច្ឆេទវិក្កយបត្រ
• ស្ថានភាពវិក្កយបត្រ
• ស្ថានភាពនៃការទូទាត់ប្រាក់

នៅពេលអ្នកបានស្រង់យកទិន្នន័យរបស់អ្នកហើយ អ្នកអាចរក្សាទុកវាជាទិដ្ឋភាពលំនាំដើម—មិនចាំបាច់ស្រង់យកវាឡើងវិញនៅពេលក្រោយទេ។ មុខងារវិក្កយបត្រនឹងនាំមកនូវទិន្នន័យថ្មីដោយស្វ័យប្រវត្តិសម្រាប់ទិដ្ឋភាពដែលត្រឹមត្រូវ និងថ្មីៗបំផុត។

អ្នកក៏អាចរៀបចំទិដ្ឋភាពរបស់អ្នកឡើងវិញដើម្បីឱ្យទិន្នន័យដែលអ្នកត្រូវការតែងតែស្ថិតនៅខាងមុខ និងចំកណ្ដាល។ ឧទាហរណ៍ ប្រសិនបើអ្នកពិនិត្យមើលស្ថានភាពទូទាត់ប្រាក់ជាញឹកញាប់ សូមផ្លាស់ទីជួរឈរនោះ ដើម្បីឱ្យវាជាអ្វីដែលអ្នកឃើញដំបូងគេ។

អ្នកនឹងកត់សម្គាល់ថាមុខងាររៀបចំវិក្កយបត្របេតាមានភាពស្រស់ស្អាត និងកាន់តែងាយស្រួលប្រើ។ ប្រើតារាងតុល្យការដែលដល់ពេលកំណត់ ស្ថិតក្នុងវិវាទ និងហួសកាលកំណត់ ដើម្បីចូលប្រើវិក្កយបត្រដោយគ្រាន់តែចុចពីរបីដងប៉ុណ្ណោះ។ លេខវិក្កយបត្រត្រូវបានភ្ជាប់ជាតំណ ដូច្នេះអ្នកអាចចូលប្រើពត៌មានដ៏ទូលំទូលាយនៅកន្លែងតែមួយ។

វាងាយស្រួលជាងពេលណាៗទាំងអស់ក្នុងការធ្វើការខណៈពេលដែលអ្នកកំពុងធ្វើដំណើរ ជាមួយការប្រើទូរស័ព្ទយ៉ាងលឿន។ ទទួលបានទិន្នន័យវិក្កយបត្ររបស់អ្នកគ្រប់ពេលវេលា គ្រប់ទីកន្លែង។

រកមើលផ្ទាំងនៅក្នុង មុខងារ FedEx Billing Online បច្ចុប្បន្ន ដើម្បីសាកល្បងបទពិសោធន៍ថ្មី។

អនាគតទៅ អ្នកនៅតែអាចចូលប្រើមុខងារ FedEx Billing Online ដែលមានស្រាប់ពីបទពិសោធន៍បេតាដោយប្រើប៊ូតុង "ត្រឡប់ទៅមុខងារចាស់"។

ឥឡូវនេះ អ្នកមានសិទ្ធិពេញលេញចូលដំណើរការទៅកាន់ FedEx Billing Online ថ្មី ហើយយើងគ្រោងនឹងដាក់ប្រព័ន្ធបច្ចុប្បន្នឱ្យចូលនិវត្តន៍នៅចុងខែកក្កដា ឆ្នាំ 2024។ 

នេះជាមុខងារបេតា ដូច្នេះយើងនៅតែកំពុងសិក្សា ស្វែងយល់ និងធ្វើអោយកាន់តែប្រសើរឡើង។ ប្រសិនបើអ្នកមានសំណួរ កង្វល់ ឬសំណើ យើងខ្ញុំនឹងរីករាយក្នុងការស្តាប់ និងទទួលយក។ ប្រើផ្ទាំងមតិកែលម្អដើម្បីចែករំលែកគំនិតរបស់អ្នក។

អ្នកក៏អាចចូលប្រើផ្នែក 'ជំនួយ' សម្រាប់វីដេអូណែនាំ នៅពេលអ្នកបានចូលក្នុងបទពិសោធន៍ FBO ថ្មី។