ជាផ្នែកមួយនៃការវិនិយោគទឹកប្រាក់ចំនួន 2 ពាន់លានដុល្លាររបស់យើងចំពោះប្រតិបត្តិការតុល្យភាពកាបូន យើងបានសន្យាផ្តល់ទឹកប្រាក់ចំនួន 100 លានដុល្លារដល់សាកលវិទ្យាល័យ Yale ដើម្បីជួយបង្កើតមជ្ឈមណ្ឌល Yale សម្រាប់ការចាប់កាបូនធម្មជាតិ។ នៅទីនោះ អ្នកស្រាវជ្រាវនឹងផ្តោតទៅលើការប៉ះប៉ូវសំណងលើការបំភាយឧស្ម័នផ្ទះកញ្ចក់ ដោយការលុបបំបាត់និងរក្សាទុកកាបូនដែលលើសរបស់ផែនដី។ ពួកគេនឹងស្វែងរកការរួមបញ្ចូលគ្នានៃវិធីសាស្រ្តរយៈពេលខ្លី និងរយៈពេលវែង ដោយធ្វើការជាមួយអ្នកជំនាញផ្សេងទៀតនៅក្នុងវិស័យវិទ្យាសាស្ត្រធម្មជាតិនិងវិស្វកម្ម។ ទីបំផុត គោលដៅគឺដើម្បីបង្កើតផលប័ត្រនៃយុទ្ធសាស្រ្តលុបបំបាត់កាបូនដែលនឹងប៉ះពាល់ដល់ការបំភាយឧស្ម័នសកលនៅក្នុងវិស័យអាកាសចរណ៍ទាំងមូល។

BrightDrop ដែលជាអាជីវកម្មថ្មីបំផុតនៅក្នុងគ្រួសារក្រុមហ៊ុន General Motors ផ្តល់ជូននូវប្រព័ន្ធចែកចាយអគ្គិសនី រួមទាំងម៉ាស៊ីនលើកទំនិញ និងរថយន្តដឹកទំនិញផងដែរ។ ពួកគេដំណើរការការដឹកជញ្ជូនដែលមិនបញ្ចេញឧស្ម័នពុល ហើយកាត់បន្ថយចំណុចប៉ះនៃកញ្ចប់ទំនិញ និងកម្លាំងសម្ពាធខាងក្រៅទៅលើអ្នកបើកបរដឹកជញ្ជូនក្នុងពេលជាមួយគ្នានេះផងដែរ។

កង់ដឹកទំនិញត្រូវបានកំណត់ថាជាមធ្យោបាយដឹកជញ្ជូនប្រកបដោយនិរន្តរភាពដ៏មានសក្តានុពល។ នៅក្នុងទីក្រុងជាច្រើនក្នុងអឺរ៉ុប ពួកគេនាំមកជូននូវជម្រើសមួយផ្សេងទៀតជំនួសឲ្យយានជំនិះឯកជនសម្រាប់ការធ្វើដំណើរប្រចាំថ្ងៃរយៈពេលខ្លី។

យើងកំពុងធ្វើការជាមួយសម្ព័ន្ធសកលនៃអង្គការក្រៅរដ្ឋាភិបាលសម្រាប់សុវត្ថិភាពផ្លូវថ្នល់ និងសហព័ន្ធជិះកង់អឺរ៉ុប ទៅលើគម្រោងមួយដែលមានគោលបំណងលើកកម្ពស់ការប្រើប្រាស់កង់ជាជម្រើសមួយដ៏មានសុវត្ថិភាពនិងនិរន្តរភាពជំនួសឲ្យរថយន្ត។

ឥឡូវនេះឈានចូលដល់ឆ្នាំទីបីរបស់ខ្លួនហើយ កិច្ចសហការនេះនឹងអនុញ្ញាតឲ្យក្រុមកង់ដឹកទំនិញមានសម្រាប់ប្រើប្រាស់ជាសាធារណៈនៅ Poznan (ប៉ូឡូញ) Valencia (អេស្ប៉ាញ) និងតំបន់ Puglia (អ៊ីតាលី) នៅចុងឆ្នាំនេះ។ ដោយប្រើប្រាស់ឱកាសបែបនេះ យើងកំពុងជួយតម្រង់ទិសអាកប្បកិរិយាសាធារណៈជន និងជម្រុញពលរដ្ឋក្នុងការសម្រេចចិត្តប្រកបដោយនិរន្តរភាព។

ទន្ទឺមនឹងកិច្ចដំណើរការផ្ទាល់ខ្លួនរបស់យើងដើម្បីឆ្ពោះទៅរកការសម្រេចគោលដៅរបស់យើងនៅក្នុងប្រតិបត្តិការតុល្យភាពកាបូននៅឆ្នាំ 2040 យើងកំពុងបង្កើតទំនាក់ទំនងដើម្បីពន្លឿនដំណោះស្រាយប្រកបដោយនិរន្តរភាពសម្រាប់ឧស្សាហកម្មរបស់យើង។ រួមគ្នាជាមួយអង្គការសប្បុរសធម៌ផ្នែកបរិស្ថាន Natuur & Milieu (Nature & Environment) យើងបានបង្កើតគម្រោងចំនួនបីដែលមានបំណងទទួលស្គាល់ដំណោះស្រាយប្រកបដោយនិរន្តរភាព និងកាត់បន្ថយដានកាបូននៃភស្តុភាកម្មតាមផ្លូវថ្នល់ ឋបនីយភណ្ឌ និងអាកាសចរណ៍។

យើងមានបំណងជួយប្រតិបត្តិករខ្នាតតូចនិងមធ្យមឱ្យប្រើប្រាស់អគ្គិសនីសម្រាប់ប្រតិបត្តិការរបស់ពួកគេ លើកកម្ពស់ការប្រើប្រាស់ថាមពលកកើតឡើងវិញ និងហេដ្ឋារចនាសម្ព័ន្ធនៃការសាកអគ្គិសនីនៅក្នុងមជ្ឈមណ្ឌលចែកចាយជាច្រើន និងចុងក្រោយគឺគាំទ្រដល់ការទាញយកឥន្ធនៈសំយោគសម្រាប់វិស័យអាកាសចរណ៍នៅអឺរ៉ុប។