ដោយគិតពីបេសកកម្មនោះហើយ ក្រុមការងារនៅ Liviri សង្ឃឹមថានឹងសហការជាមួយក្រុមហ៊ុន FedEx ដោយមិនត្រឹមតែដើម្បីដឹកជញ្ជូនប្រអប់ដែលអាចប្រើឡើងវិញបានប៉ុណ្ណោះទេ ប៉ុន្តែថែមទាំងជួយធ្វើតេស្តសាកល្បងប្រអប់ទាំងនោះមុនពេលចាប់ផ្តើមដំណើរការផងដែរ។

គោលគំនិតនៃការដឹកជញ្ជូនអាហារស្រស់ៗដោយផ្ទាល់ដល់អ្នកប្រើប្រាស់គឺនៅតែជាគំនិតថ្មី ប៉ុន្តែបាននិងកំពុងតែរីកចម្រើនយ៉ាងឆាប់រហ័ស។ Nielsen ព្យាករណ៍ថាការលក់អាហារ និងភេសជ្ជៈតាមអនឡាញ នឹងកើនឡើងទ្វេដងនៅឆ្នាំ2024 ហើយវាជាឱកាសដែលនាំទៅដល់ការបង្កើត Liviri។ ប៉ុន្តែក្រុមការងាររបស់ Otter Products មិនត្រឹមតែចង់បញ្ជូនវត្ថុដែលងាយរលួយ ឱ្យប្រាកដថាមានសុវត្ថិភាព និងការការពារកម្ដៅប៉ុណ្ណោះទេ ប៉ុន្តែពួកគេក៏ចង់ធ្វើឱ្យប្រាកដថាអ្វីដែលពួកគេបានបង្កើតឡើង នឹងដោះស្រាយបញ្ហាភាពខ្ជះខ្ជាយនៃកុងតេនឺដែលប្រើបានតែមួយដង ហើយដែលកើតឡើងជាទូទៅនៅក្នុងវិស័យនេះ។ ខណៈពេលដែលផលិតផល "one and done" ទាំងនេះជាច្រើន ត្រូវបានផលិតចេញពីវត្ថុធាតុដើមដែលអាចកែច្នៃឡើងវិញបាន ប៉ុន្តែអ្នកផ្សេងទៀតនៅតែប្រើប្រាស់ស្នោធ្វើជាការវេចខ្ចប់ចម្បង។

ប្រអប់ Liviri ក៏រក្សាការផ្ទុកបានត្រជាក់ជាងមុន ដែលដំណើរការបានល្អជាងប្រអប់ឡាំងការពារដោយអ៊ីសូឡង់ដែលជាប្រភេទល្អជាងគេបំផុត បានដល់ទៅ 80% នៅក្នុងលក្ខខណ្ឌក្តៅខ្លាំង។ វាអនុញ្ញាតឱ្យការដឹកជញ្ជូនរយៈពេលវែង និងការដឹកទំនិញដែលអាចរលួយបានផ្សេងៗ ដែលមិនអាចដឹកជញ្ជូនបាននៅសីតុណ្ហភាពជាក់លាក់ណាមួយ អាចកើតឡើងទៅបាន។

ប្រអប់អាចត្រូវបានលក់ទៅឱ្យក្រុមហ៊ុននានាដើម្បីគ្រប់គ្រង ឬអាចជួលតាមរយៈ Liviri ដោយផ្ទាល់។ ប្រអប់មានភាពងាយស្រួលក្នុងការសម្អាត និងធ្វើអនាម័យ ខណៈដែលផ្នែកដែលអាចចាត់ទុកថាមានភាពសឹករេចរឹលខ្លាំង ដូចជាគ្រាប់កិបភ្ជាប់គម្របជាដើម ក៏អាចផ្លាស់ប្តូរបានយ៉ាងងាយស្រួលផងដែរ ដើម្បីរក្សាប្រអប់ឱ្យដំណើរការបន្ត។

នៅពេលដែលប្រអប់មួយបានបំពេញមុខងាររបស់ខ្លួន វាអាចត្រូវបានកែច្នៃឡើងវិញ ដោយសារតែ 95% នៃវត្ថុធាតុដើមរបស់វាអាចកែច្នៃឡើងវិញបាន។

អតិថិជនបច្ចុប្បន្នដឹកជញ្ជូនទំនិញគ្រប់ប្រភេទមានតាំងពីត្រីសាល់ម៉ុនដែលចាប់បានពីក្នុងសមុទ្រធម្មជាតិ ក៏ដូចជាកាហ្វេឆ្ងាញ់ៗ និងនំដុត។ ក្រុមការងារក៏បានបង្កើត Liviri Vino ដែលជាប្រអប់ Liviri ត្រូវបានរចនាឡើងជាពិសេសសម្រាប់ដបស្រា ដែលជាផ្នែកដ៏ពេញនិយមមួយសម្រាប់ពាណិជ្ជកម្មតាមប្រព័ន្ធអេឡិចត្រូនិក។ Kyle Fanning ដែលជាអ្នកគ្រប់គ្រងផ្នែកនវានុវត្តផលិតផលជាន់ខ្ពស់នៅក្រុមហ៊ុន Otter Products មានប្រសាសន៍ថា "អ្នកប្រើប្រាស់ចុងក្រោយ ក៏មានទំនោរក្នុងការយកចិត្តទុកដាក់ចំពោះបរិស្ថាន និងមានការពេញចិត្តចំពោះភាពជាក់ស្តែងដែលកុងតឺន័របានវិលត្រឡប់ចូលទៅក្នុងប្រព័ន្ធដើម្បីប្រើប្រាស់ម្តងទៀត"។

Fanning និយាយថា "វត្ថុធាតុដើមដែលកែច្នៃឡើងវិញគឺសំខាន់ណាស់"។ "ប៉ុន្តែការដែលអាចប្រើប្រាស់ឡើងវិញបាននូវវត្ថុដែលចាំបាច់សម្រាប់ការដឹកជញ្ជូនប្រចាំថ្ងៃជាញឹកញាប់គឺជាពេលដែលយើងមើលឃើញនូវការប្រែប្រួលខុសប្លែកខ្លាំងដ៏គួរឲ្យកត់សម្គាល់។"

នៅមន្ទីរពិសោធន៍វេចខ្ចប់របស់ក្រុមហ៊ុន FedEx ក្នុងទីក្រុង Memphis រដ្ឋ Tennessee អ្នកគ្រប់គ្រងផ្នែករចនា និងអភិវឌ្ឍន៍កញ្ចប់ទំនិញ លោក Tyler Kenney និងក្រុមការងាររបស់លោក ចាំបាច់ត្រូវគិតប្រកបដោយភាពច្នៃប្រឌិត— ទៅលើពុម្ពគំរូដែល Liviri បានកំពុងតែបានអភិវឌ្ឍ— គ្រាន់តែជាការលេងសើចប៉ុណ្ណោះ។ Kenney ពន្យល់ថា "ពួកគេបានចេញមកមន្ទីរពិសោធន៍របស់យើងក្នុងឆ្នាំ2017 និងបាននាំយកមកនូវគំរូបោះពុម្ព 3D មួយ ហើយនោះគឺជាពេលដែលមតិកែលម្អការរចនារបស់យើងបានចាប់ផ្តើម"។

Kenney ដែលជាវិស្វករវេចខ្ចប់ដែលបាននៅជាមួយយើងអស់រយៈពេលប្រាំបីឆ្នាំ បានពិពណ៌នាអំពីរបៀបដែលមន្ទីរពិសោធន៍មិនមានការធ្វើតេស្តកម្លាំងសម្ពាធទៅលើប្រអប់ដែលធំដូចគំរូដើមរបស់ Liviri ហើយមន្ទីរពិសោធន៍ត្រូវស្វែងរកវិធីថ្មីដើម្បីធ្វើតេស្តទៅលើភាពធន់របស់វា រួមទាំងការធ្វើតេស្តទម្លាក់ជាក់ស្តែងផងដែរ។ Kenney បានបន្ថែមថា "យើងក៏ត្រូវប្រាកដថាវាដំណើរការលើប្រព័ន្ធបញ្ជូនផងដែរ"។ "អ្នកមិនចង់ឃើញប្រអប់រអិលចេញមកដែលមិនអាចគ្រប់គ្រងបាន ឬបង្កឱ្យមានការកកស្ទះនោះទេ។" សំណាងល្អ សេណារីយ៉ូនោះមិនបង្ហាញចេញមកនៅក្នុងអំឡុងពេលធ្វើតេស្តទេ… ឬតាំងពីពេលនោះមក។

តេស្តវេចខ្ចប់នៅមន្ទីរពិសោធន៍មានចន្លោះពីបួនទៅប្រាំពាន់តេស្តក្នុងមួយឆ្នាំ ដែលផ្តល់ជូនដោយឥតគិតថ្លៃសម្រាប់អតិថិជនគ្រប់ប្រភេទ។ នៅចុងបញ្ចប់នៃការអភិវឌ្ឍន៍ដំបូងរបស់ក្រុមយើងជាមួយ Liviri ប្រអប់ទាំងនោះបានបំពេញតាមស្តង់ដាការធ្វើតេស្តយ៉ាងម៉ត់ចត់ ហើយអាចឆ្លងផុតពីវដ្តនៃការដឹកទំនិញជាច្រើន ដោយសារការរចនាដ៏រឹងមាំ។

Kenney មានប្រសាសន៍ថា ពួកគេនៅតែស្វែងរកមធ្យោបាយដើម្បីកែលម្អបទពិសោធន៍ជាបន្តបន្ទាប់សម្រាប់អតិថិជន និងសមាជិកក្រុម FedEx ដែលបញ្ជូនកុងតេនឺរដែលអាចប្រើឡើងវិញបានតាមរយៈប្រព័ន្ធយើង។ "វាជាការសហការដ៏អស្ចារ្យដែលខ្ញុំគិតថានឹងធ្វើឱ្យមានឥទ្ធិពលគួរឲ្យកត់សម្គាល់ នៅពេលដែលមនុស្សយល់ពីអត្ថប្រយោជន៍ទាំងអស់នៃកញ្ចប់វេចខ្ចប់ដែលអាចប្រើឡើងវិញបាន"។